Ég heiti Alex og ég er myndlistarmaður.

Ég útskrifaðist af myndlistarbraut Fjölbrautaskólans í Breiðholti árið 2020.

Ég stofnaði Galleríið í FB sem kallast Gallerí Gubb þegar ég var nemandi þar. Ég var formaður Gallerísins í eitt ár og við settum upp fullt af flottum sýningum. Galleríið er enn starfrækt í dag.

Síðan lauk ég ári í myndlist við Listaháskóla Íslands, 2020-2021.

Ég hef líka sótt mörg námskeið og ýmsar smiðjur. Til dæmis í tilraunakenndri kvikmyndagerð, skapandi skrifum og trésmíði.
Ég hef tekið þátt í mörgum samsýningum og ég hef haldið tvær einkasýningar.

Ég hef unnið til nokkurra verðlauna. Ég vann Listamaraþon Unglistar bæði 2016 og 2018. Einnig vann ég jólakortakeppni FB árið 2018.

Um Verkin mín

Verkin mín fjalla um tilfinngar og reynslu, mína og annara, hugsanir, kyn, kynhneigð, félagsmótun, menningu, ofbeldi, kúgun, tengsl, vináttu, samskipti og fegurð.
Ég held að eitt mikilvægasta hlutverk myndlistar er að tengja fólk saman og efla okkur, sýna samstöðu gagnvart kúgun og ofbeldi. Sýna eitthvað satt, eitthvað sem lætur einhvern vita og hann er ekki einn eða vekja athygli á einhverju. Ég hugsa líka mikið um liti, form, myndbyggingu. Léttleika og þunga og hvernig mismunandi áferðir vinna saman. Húmor kemur líka oft fram í mínum verkum.